حياة مملة سعيدة

يحكي الشاعر و الكاتب الأمريكي Donald Hall عن الأشياء الأخري التي جمعته مع زوجته الراحله و جعلت حياتهما معا ذات معني. يسميها “الأشياء الثلاثة”… تلك الأشياء التي تجعل الحب ينمو و يستمر في وجه الرتابه.

كنا نستيقظ مبكرا، و كنت آتي لها بالقهوه في السرير، ثم تقوم هي لتتمشى مع الكلاب و أبدأ أنا في الكتابة حتى تعود و تبدأ هي في العمل أيضا.

هو احنا عايزين زيت باين؟

أنا عارفة انه بيكره مشوار كارفور ده و بيفضّل ان حد يحلقله زلبطه أرحم من انه ينزله. آخر حاجة ممكن يفتكرها هي أنواع الزيت و سعر اللبن كام دلوقتي و الإريال أحسن و لا تايد، لكنه بينزل عشاني…عشان كده ببتسم لما أتفرج عليه و هو محتاس قدام الحاجات.

ثم يأتي وقت الغداء و نتاوله سويا. عندما ننتهي نتمدد سويا لوقت القيلوله، و عندما نستقيظ نبدأ في عمل أشياء أخري و قراءه البريد. كنت أقرأ لها بصوت عالي و كنا نلعب البنج بونج من غير نتيجة!

و احنا في طريقنا الي الراجل بتاع الجبنه الرومي, كان هو بيزق عربية المشتريات و أنا كنت بحب أحط ايدي في دراعه و احنا بنمتشي. أحيانا نقف نتناقش هل فعلا احنا محتاجين كاتشب هوت سوس او باربيكيو و لا كفاية الكاتشب العادي؟ و في الآخر يروح حاطط التلات أنواع في العربيه و نكمل. “أنا أساسا مش بحب الكاتشب” ببتسم و أكمل مسكتي في دراعه.

ثم نتناول العشاء. نتحدث و نقرأ الكتب أمام أحدنا الأخر في غرفه المعيشه حتى يأتي وقت النوم. اذا كنا محظوظين لم نكن نسمع رنين الهاتف طوال اليوم.

و احنا مروحين بنشغل في العربية المزيكا اللي احنا بنحبها من soundcloud. الدنيا زحمه كالعاده و غالبا هنعقد هنا كتير. نتكلم شويه و الكلام يخلص و نسكت كتير، لكن راسنا احنا الاتنين بتتحرك مع نفس الأنغام في نفس الحتت.

الأشياء الأخري أساسيه للزواج، الأشياء أو العادات أو الفنون أو الألعاب أو الاهتمامات التي تعطي مكانا مشتركا للسعاده و الاحساس. ممارسه الحب ليست من الأشياء الثلاثة و لكنها اندماج الاثنين في واحد. انما تجدها في أغنيه للبيتلز أو روايه شيقه أو أوركسترا بوسطن السيمفوني أو لعبه المنوبولي.

هكذا قضينا ثلاثمائة و ثلاثين يوما سويا في هذا البيت القديم نمارس كل يوم نفس الروتين.

هذا ما فعلنا…. الحب.

Mohamed Saher

Mohamed Saher

A citizen of the human race, or as the official papers describe me; an Egyptian citizen working as a computer engineer. Naturally I love everything about the tech world. Yes, I can help you pick a new mobile phone or setup Windows on your computer. I like to think that I am an avid reader who is really passionate about reading. I love to ask questions. Always seeking answers. You can read more about me on: www.elrehla.me